નીકળવું છે -હરજીવન દાફડા
વારાફરતી વારામાંથી નીકળવું છે,
મારે આ જન્મારામાંથી નીકળવું છે.
કોઈ મમતના માળા બાજુ ખેંચ્યા ન કર,
મારે તારા-મારામાંથી નીકળવું છે.
અજવાળાના સ્વામી થોડો ટેકો કરજો,
ભીતરનાં અંધારમાંથી નીકળવું છે.
-હરજીવન દાફડા
લયસ્તરો
ગુજરાતી કવિતા આસ્વાદ
Layastaro : Gujarati Poetry Blog
Friday, October 28, 2005
મારે આ જન્મારામાંથી નીકળવું છે.
કોઈ મમતના માળા બાજુ ખેંચ્યા ન કર,
મારે તારા-મારામાંથી નીકળવું છે.
અજવાળાના સ્વામી થોડો ટેકો કરજો,
ભીતરનાં અંધારમાંથી નીકળવું છે.
-હરજીવન દાફડા
આ લયસ્તરોનું જૂનું સંસ્કરણ છે. નવી વેબસાઈટ www.Layastaro.com પર જુવો.
If you can't see Gujarati click here
લયસ્તરો : કાવ્યસંચય
કવિઓના નામ અનુસાર ગોઠવેલી, આ બ્લોગ પર પ્રગટ થયેલી બધી (-અને બીજી ઘણી) ગુજરાતી કવિતાઓનો સંગ્રહ. અહીં આપ સરળતાથી ગમતી કવિતા શોધી શકો છો.આ બ્લોગ વિષે:
અમે બે મિત્રો, મનને ગમી ગયેલી અને દીલને અડી ગયેલી ગુજરાતી કવિતાઓ બધા માણી શકે એ માટે આ બ્લોગ ચલાવીએ છે. આ બ્લોગ પર દર અઠવાડિયે પાંચેક કવિતાઓ મૂકીએ છે. તમને ગમતી કવિતા તમે અમને મોકલશો તો એ પણ અહીં પ્રસ્તુત કરીશું. કવિતાઓ અને આ બ્લોગ વિષે આપના અભિપ્રાય-કોમેન્ટ્સ આવકાર્ય છે.છેલ્લા 10 પોસ્ટ
- ગમે ત્યારે હું ચાલ્યો જઈશ -ભગવતીકુમાર શર્મા
- દાદ -બેફામ
- મેવાડ મીરાં છોડશે -રમેશ પારેખ
- ક્યાંક --ચંદ્રકાંત શેઠ
- એમ પણ બને -મનોજ ખંડેરિયા
- ખંડિત સ્વપ્નના અવશેષ -કિસન સોસા
- એક આશીર્વાદ -દુષ્યંતકુમાર
- કબૂલાત -'આદિલ' મન્સૂરી
- કાફલો -સદાશિવ વ્યાસ
- મીરાં -સુરેશ દલાલ
'લયસ્તરો'માં શોધો
અમારા વિષે:
નામ: ધવલ શાહ
એટલાન્ટા,યુ.એસ.એ.
સંપર્ક: mgalib at hotmail dot com
જન્મે અને મનથી સુરતી. પણ આજે દુનિયાના બીજા ખૂણે મુકામ છે. જીવનની લગભગ બધી જરૂરીયાતો માટે હવે અંગ્રેજી વાપરું છું, પણ કવિતાઓ બીજી કોઈ ભાષામાં ગળે ઊતરતી નથી ! કાવ્ય નામથી જ ભાવે. એમાંય વળી ગઝલ પ્રત્યે વધારે પક્ષપાત. કાવ્ય સિવાય મારો બીજો શોખ છે ફોટોગ્રાફી.
નામ: ડૉ.વિવેક ટેલર
સુરત,ભારત.
સંપર્ક: dr_vivektailor at yahoo dot com
મારો જન્મ સુરત માં, અભ્યાસ અને હવે કાર્યક્ષેત્ર પણ સુરત જ. વ્યવસાયે તબીબ. તોયે પુસ્તક એ મારો પ્રથમ પ્રેમ. કવિતા મારી અહર્નિશ પ્રેયસી. પાંચમા ધોરણ થી શબ્દો ને શ્વાસ માં કંડારવાની શરૂઆત કરી એ પછી આજ દિન લગી વારંવાર ના અલ્પવિરામ છતાંય આ શ્વાસ અટક્યાં નથી. લખવાં અને વાંચવા ને લોહીવટો આપું તો ફક્ત ખોળિયું રહે. આ સિવાય જૂનાં હિન્દી ગીતો અને ગઝલો સાંભળવાં, ફોટોગ્રાફી, પ્રવાસ કરવો, મિત્રો બનાવવા અને ખાસ તો જાળવવાં મને પ્રિય.
1 Comments:
ભીતરના અજવાળામાંથી નીકળવાની વાત ગમી. પણ આ પુનર્જન્મની માન્યતા પરનો આંધળો વિશ્વાસ આપણામાં આ જન્મારા માટે આટલી બધી અસૂયા પેદા કરે છે તે ન ગમ્યું.
પુનર્જન્મમાં માનીએ તો પણ મને તો નરસૈયાની આ પંક્તિનો ભાવ બહુ જ ગમે છે-
'વૈકુંઠ નથી વ્હાલું રે!માંગું જન્મો જન્મ અવતાર રે!'
Post a Comment
<< Home